Manufahi RKM News=========Segunda-feira ohin Servisu munisípal Saúde munisípiu Manufahi,hahú halo kontratu ba klíner foun na’in rua fatin izólamentu saúde Same munisípiu Manufahi.
Diretóra servisu Saúde munisípiu Manufahi Florençia Corte-Reál Tilman segunda-feira ohin informa katak klíner na’in rua ne’e feto ida no mane ida sei halo servisu atu hamós fatin izólamentu 3 iha Saúde Manufahi hanesan izólamentu TBC Same,izólamentu POLO UNTL Same no izólamentu rezidénsia kompaiña Tino-Lina Same.
Diretóra Saúde ne’e rekueñese duni fatin izólamentu hirak ne’e kondisaun fóer,tanba klinér na’in 2 ne’ebé durante ne’e hetan ona formasaun hodi halo servisu iha fatin izólamentu nian tama iha sala izólamentu tanba posítivu covid-19.
Diretóra Florençia ne’e lamenta ho situasaun ida ne’e,tanba responsável ekipa iha fatin izólamentu la informa lalais hodi buka solusaun, tanba ne’e ho infromasaun ne’ebé média sira públika diretóra saúde munisípal foin hatene no orenta kedas xéfi administrasaun saúde organíza funsionáriu balun ba halo limpeiza iha fatin izólamentu.(vas)
