by

Xefi suku Foholau Husu Governu Atende Uluk Solar Panel Ba Komunidade sira

Manufahi RKM News====– suku Foholau, postu administrativu Turiskai, munisipíu Manufahi, Natalino Barbosa husu, governu tenki apoiu uluk sollar panel ba komunidade sira iha area rurais.

 

Tanba Durante tinan rua nolu (20) resin ona Timor Leste ukun rasik a’an maibé komunidade area rurais to’o oras ne’e dadaun sei moris hela iha nakukun laran.

 

‘’Maske eletrisidade atu tama mai sei kleur no ami husu provizoriu lai sollar panel atu nune’e bele uza iha tempu kalan tanba komunidade balun uza hela lanpíaun”dehan, Natalino ba jornalista iha Orana, Segunda (27/09).

 

Tuir nia katak, maske ami hatama ona proposta ba governu maibé ami nafatin rekomenda ba governu atu labele haluhan area rurais

 

 

“Ami husu ne’e prioridade liliu ba estudante hodi estuda iha tempu kalan tanba ahi oan lampiaun fó impaktu ba labarik sira nia matan”nia dehan.

 

Entertanto iha Suku Foholau, kompostu husi aldeia Tarabula, Lutar Mata, Leubuti ho total xefe familia 84 ho total populasaun kuaze atus 400 resin.(esm)

Comment