MANUFAHI RKM NEWS====Edukasaun maka xavi importante ba oan sira iha futuru no Edukasaun mos sai hanesan pasaposrte Hodi lori ita ba hetan matenek iha fatin hotu, Lia hirak ne’e haktuir bainhira Mary Meckillop Today Finaliza programa Parenti inan Aman iha Eskola Pre- escolar IMM Rialau suku Lete foho postu administrativo same munisipiu manufahi
Tuir Kordenadora Programa parenti inan aman Agustina Boavida Ximenes hateten Agradese Ba inan Aman Nain 100 ida ne’ebe Ho Komitmento hodi Tuir Formasaun nune’e Hodi bele Ba aplika Ba oan sira.
‘’tanba inan aman mak sai manorin barak liu ba oan sira iha uma ,iha eskola ita hotu hatene katak manorin sira hanorin loron sorin deit ntaun aproveita didiak ho formasaun hirak ne’e Atu hodi hatoman oan sira aprende sura,le’e no hakerek atu nune’e hamamar sira nia liman ho ibun.’’cordenadora Parenti ne’e haktuir sabado (09-10)fim de semana ne’e iha IMM Rialau Merkado antigo same Letefoho
Iha parte Seluk Kordenadora ne’e mos apresia tanba ho komitmento inan aman sira nian bele partisipa formasaun semana rua ne’e to remata.
‘’ho komitmento maka ita bele husik tempu hodi mai tur iha fatin ida ne’e se la iha komitmentu no sei la bele to’o iha fatin ida ne’e tanba ne’e komitmento ne’e importante tebes ho matenek hirak ne’ebe aprende ona sai hanesan responsabilidade bo’ot ida bainhira ba iha uma.’’nia dehan
Alende komitmento no Edukasaun sai hanesan Xavi importante no sai hanesan pasaporte.
‘’bainhira labarik ida susesu iha futuru perciza pasaporte tanba ne’e maka edukasaun hanesan pasaporte ida hodi lori ita iha fatin ida ba fali fatin seluk hodi ba buka matenek iha futuru perciza Fundasaun ne’ebe maka metin.’’Kordenadora ne’e esplika
Iha parte seluk inan aman tengki iha moral ba oan sira ne’ebe ho idade sei ki’ik tanba idade ki’ik ne’e sira aprende barak.
‘’ita bele matenek maibe la iha moral sei la vale buat ida tanba ne’e papel inan aman sira nian atu moral labarik sira bainhira sira sei ki’ik.’’
Parte seluk Direktor Edukasaun Munisipiu manufahi Trinitos Saramento apaela mos ba inan aman sira katak, formasaun kona ba parenti inan aman ne’e atu lori inan aman sira sai husi situasaun balu ne’ebe mak difisil.
‘’Dala barak inan aman sira la iha intrese ba oan sira atu hodi aprende le’e ,sura numeru ,konta historia,tanba ne’e ita timor dala barak mete deit mak joga hanesan bingo ,karta joga ,futu manu ne’e perciza oras barak maibe, ita mos bele uza tempu hanesan hodi hanorin oan sira iha uma.’’haktuir direktor edukasaun
Tuir nia katak liu husi parseiru sira nia programa bele tulun inan aman sira hodi hanorin oan sira nune’e bele halo transformasaun ba oan sira iha uma no ba fali eskola fasil ba oan sira atu hodi aprende.
Fatin hanesan Representante Inan Aman Husi Pre –eskolar IMM rialau manufahi Noflianas Mhanu agradese ba Programa Mary Mckillop Today Tanba bele fasilita inan aman sira iha area edukasaun nian ba oan sira.
‘’ho formasaun hirak ne’e ami bele komprinde oinsa maneira hanorin no eduka oan sira,tanba dala barak inan aman sira seidauk komprinde maneira oinsa atu eduka oan sira.’’
Nia sublina maske formasaun ne’e semana rua deit maibe ne’e folin bo’ot tebes ho ida ne’e nudar inan aman sei la rai deit iha laran sei lori ba aplika iha komunidade liliu iha nia uma laran.
Tanba ne’e nia parte husu ba Mary Mackillop today Atu la bele iha deit kapital munisipiu maibe bele ba realiza mos iha Area Rural sira ne’ebe mak perciza hela programa parente inan aman ne’e.
Entertanto iha finalizasaun programa parente inan aman ne’e Mary MarckillopToday Distribui Mos Material Hanesan Livru Historia 100,Kuadru Hakerek/papan tulis 100 no Fatin tau livro 100 ida inklui distribui mos sertifikado ba Ina aman sira.(esm)
