Manufahi RKM News=====Sentrú formasaun téknika komunikasaun (CEFTEK), segunda-feira (11/10) Hoseik, fasílita formasaun relasaun ho públika no serbisu protokólu ba funsionáriu públiku na’in 22 durante loron 5 iha Munisípiu Manufahi.
Tuir Responsável sentrú formasaun komunikasaun (CEFTEK), hanesan mós formadór, Lauriano Perreira Barreto haktuir, Ministériu asuntu parlamentár no komunikasaun ( MAPKOMS), liu husi sekretáriu estadu komunikasaun sosiál (SEKOMS), fasilita formasaun ne’e ho objetivu atu aumenta kapasidade funsionáriu públiku sira nian .
‘’formasaun ne’e kona ba diskursu públiku,master serimónia,téknika aprezentasaun iha semináriu no serbisu protokólu,’’nia Haktuir segunda feira (11-10)horseik
Nia hatutan Formasaun ne’e halao ona ba Munispiu 3 no sei kontinua ba Munisípiu sira seluk Inklui RAEOA atu nune’e funsionáriu públiku sira bele implementa iha instituisaun estadu nian ne’ebé sira haknár-an, hodi atende administrasaun públiku ne’ebé ho kualidade iha ida idak nia munisipiu.
Tanba ne’e Administradór Munisípiu Manufahi Arantes Isaac Sarmento hateten, Formasaun ne’e importante ba ajénte serbisu administrasaun públiku iha Munisípiu no postu.
‘’Ho formasaun ne’e hodi hadia serbisu protokólu nian iha instituisaun estadu nian,’’
tanba ne’e nia parte apela ba funsionáriu sira partisipa ho sériu hodi aprende nune’e bele aplíka iha ida-idak nia serbisu fatin.
Fatin hanesan Partisipante husi serbisu husi dirasaun SEFOPE Munispiu Manufahi, Jeferinho Martins urgullu bele partisipa formasaun ne’e,hodi garantia profesionalízmu serbisu administarasaun públiku iha instituisaun estadu nian.
Entertanto formasaun ne’ebe fasilita Ba Funsionário sira durante loron lima 5 iha manufahi hahu husi Segunda to Ssexta feira Semana ne’e. (esm)
