Manufahi RKM News====uma kain 24 No populasaun 99 Iha Aldeia Sukaer Oan Suku Kaikasa Postu Administrativo Fatuberliu Munisipiu Manufahi La dauk assesu Ba Be’e mos , linha Elektrisidade inklui Estrada
Tuir Sefí Aldeia Sukaer oan José Maria haktuir Aldeia sukaer oan hanesan aldeia ida ne’ebe kiak no moris iha nakukun laran.
‘’problema ne’ebe maka komunidade sukaer oan infrenta liliu mak be’e mos no linha elektrisidade’’ sefí aldeia sukaer oan haktuir quarta feira (27-10)horseik
iha tempu bailoro komunidade susar atu hetan ba be’e mos no Lao ho distansia killo metro 4 hafoin to’o be’e matan inklui linha elektrisidade sai problema ba komunidade liliu estudante bainhira estuda iha tempu kalan.
Ne’ebe durante ne’e ami komunidade aldeia sukaer oan uza deit solar panel nune’e iha tempu kalan hodi haroman netik ami no ami nia oan sira mos bele estuda,maibe iha tempu udan ita labele karega tanba loron la iha solar panele la bele forsa hodi haroman ami iha tempu kalan.
‘’iha parte seluk kona ba be’e mos tempu udan ami senti kontenti tanba ami kuru be’e besik no be’e ne’e rasik implementa husi PNDS’’
Alende be’e mos inklui estrada iha tempu udan susar atu halo movimentu ba mai no la bele assesu ba merkado.
‘’ami aldeia sukaer oan iha tempu bailoro ami kontenti tanba mota la iha no rai maran ntaun ami bele ba mai ho diak maibe iha tempu udan ami la bele ultrapasa ba fatuberliu no munisipiu manufahi tanba mota bo’ot hodi impede hela ami nia viagen sira’’dehan sefí aldeia sukaer oan
Antes ne’e PNDS Mos implementa hela Obra Estrada iha aldeia sukaer oan tanba ne’e aldeia sukaer oan senti kontenti tanba governo bele implenta obra ne’e rasik iha area ne’e tanba area ne’e izolado tebes.
‘’tanba ne’e ami nudar autoridade iha aldeia refere nafatin husu ba governo se bele tau matan ba ami komunidade aldeia sukaer oan ne’ebe durante ne’e infrenta hela be’e mos No linha elektrisidade’’
Maibe antes ne’e ministro Obras Públiku Salvador Soares dos Reis lansa primeira pedra linha elektrisidade iha suku mindelo loron segunda (25-10)semana ne’e katak area ne’ebe seidauk hetan desenvolvemento Governo esforsu atu responde preokupasaun hirak ne’e.
Ekuanto sefí aldeia ne’e mos agradese ba media pela primeira ves ba to iha aldeia sukaer oan hodi halo intervista ho autoridade sira.
Entertanto iha tereno jornalista halo observasaun katak iha aldeia suaker oan ne’ebe hanesan aldeia rural ida no dok husi merkado no distansia husi aldeia sukaer oan to postu Fatuberliu ho distansia killo metro 25.(esm)
