Manufahi RKM NEWS,Segunda feira (15-11) ohin,Progrma Nasional Desenvolvemento Suku( PNDS) Hamutuk ho autoridade suku tutuluru no komunidade realiza seremonia inagurasaun be’e mos iha aldeia roin suku tutuluru postu admininistrativo same munisipiu manufahi.
Iha ambitu inagurasaun be’e mos ne’e Representante Direktor PNDS Munisipiu manufahi nudar Kintabilista PNDS, Madalena Maria de Fátima soares hateten,agradese ba ekipa Suku Ne’ebe halo kordenasaun diak ho PNDS Munisipiu hodi servisu hamutuk hodi realiza kanalizasaun be’e mos ba komunidade aldeia roin.
‘’Progetu ne’e hahu iha tinan 2020 no ita remeta iha 2021 tinan ida ne’e no loron ohin 15 fulan novembro ita bele finaliza ona hodi realiza ona seremonia inagurasaun be’e moos iha aldeia ne’e’’haktuir representante direktor PNDS Munisipiu manufahi madalena maria
Tuir nia katak Maske durante ne’e Ekipa Sira Hasoru hela dezafius maibe ho kolaborasaun komunidade sira nian servisu hamutuk no ohin finaliza ona obra ne’e ho diak.
‘’atu hateten deit katak orsamnetu ne’ebe gastus hodi realiza kanalizasaun be’e mos ne’e iha aldeia roin suku tutuluru ho total ,rihun rua nulu resin ne’en ,atus lima lima nulu resin rua sentavu ’’nia dehan
Nune’e mos Representante xefe suku tutuluru Onori Madeira afirma apela ba komunidade aldeia roin atu koidadu no asegura didiak obra ne’e.
‘’tanba durante ne’e ita bo’ot sira ho esforsu makas no ohin ita finaliza ona obra ne’e tanba ne’e nafatin hamutuk ho autoridade atu asegura be’e mos ne’e ho diak nune’e komunidade balun mos bele hetan hotu be’e mos ne’e’’afirma representante autoridade ne’e iha aldeia roin segunda feira 15-11 ne’e
Fatin hanesan representante Xefe Aldeia Roin Suku tutuluru Joaquim da Silva Agradese ba Governu liu husi Programa PNDS nian bele kanaliza ona be’e mos ba komunidade aldeia roin.
‘’ tanba ne’e komunidade aldeia roin suku tutluru ho nia populasaun hamutuk Atus hat Tolu nulu resin hat 434 Kompostu husi xefe família 44 no mane 175 feto 155 difisiensia nain 4 feto 2 mane 2 idojus 29 maka asesu ona ba be’e mos PNDS Nian no falta hela xefe família 35 maka seidauk asesu ba be’e mos’’ dehan representente xefe aldeia roin joakin da silva iha seremonia inagurasaun be’e mos segunda feira (15-11)ohin
Tanba ne’e representante autoridade ne’e husu ba Guvernu liu husi PNDS Atu nafatin kontinua kanaliza be’e mos ba komunidade sira ne’ebe seidauk hetan be’e mos liliu iha aldeia roin tanba xefi família balun seidauk asesu be’e mos .
Entertanto iha seremonia inagurasaun be’e mo’os ne’e partisipa husi xefe aldeia fatin 7 iha suku tutuluru ,komunidade,lider veterano,OPS Suku ,ekipa PNDS Munsipiu no ekipa PNDS suku(esm)
