by

ARKTL Distribui Sertifikado Jornalista Báziku no Rádio Fuzaun ba Estudante Nain 10 Iha Manufahi

Manufahi RKM News-{Quinta 11-11-2021]Asaociasaun Radio Komunidade Timor Leste (ARKTL)Distribui Sertifikado Jornalista Báziku no radio fuzaun Ba Estudante Eskola Secundaria Geral 1912  Nain 10 Ne’ebé  Tuir Ona Formasaun Durante Fulan 3 Iha Radio Komonidade 1912 Manufahi

Tuir  presidente ARKTL Prezado Ximenes  hateten, ARKTL  serviso hamutuk ho radio Komonidade 1912 manufahi fasilita kurso jornalizmu báziko no rádio fuzaun ba estudante eskola  sekundaria jeral 1912 manufahi durante fulan 3 iha studio radio komonidade 1912 .

‘’no iha futuru estudante sira ne’e belé sai jornalista voluntario iha radio komunidade 1912 manufahi tanba Média maka hanesan janela  mundo nian inklui iha timor leste ba prosesu desenvolvimento ‘’dehan prezado

Tuir nia katak la iha média social sei la akompanha desenvolvimento ne’ebé implementa iha nasaun ida, tamba ne’e sujere ba parte eskola sira iha manufahi bele kria  programa extra kurikuler kona ba areá jornalismu nian ,nune’é estudante sira mos belé iha ona visaun ba serviso jornalismo nian.

Fatin hanesan Gestor rádio komuniadade 1912 manufahi Vasco da Costa Mendes ,agradese ba ARKTL ne’ebé serviso hamutuk ho rádio komunidade hodi fasilita formasaun ba estudante sira ,no nafatin husu ARKTL nia apoio hodi kontinua fasilita formasaun ba foinsae sira.

Fatin hanesan Diretor Eskola Secundaria Geral 1912 Manufahi Julio Oliveira Lazaro  imforma,agradese ba média ne’ebé mak iha inisiativa diak belé koopera ho eskola hodi prepara estudante  ba hatene liu kona ba mundo jornalismo.

Iha parte seluk   Gestor Radio Komunidade  Maubise Mauloko  Joaquim de Fatima Coutino hateten,  sai jornalista ka sai volontario sira iha rádio ne’e lao’ós buat ne’ebé fasil .

‘’Babain  jornalista sira   lao tun sae hanesan ne’e mós sira iha vontade ho esforsu no prepara a’an,  hodi hala’aó aktividade sira ne’ebé   Jornalista ninian,tambá ne’e  iha servisu hamutuk  ne’ebe mak entre Rádio Komunidade 1912  ho  ARKTL,  Hodi hala’ao formasaaun ba ita boot sira iha durante fulan tolu’’

Nia hatutan tuir lolos ne’e aktividade henesan  ne’e seidauk belé to’o tamba  serviso  iha média sai to’o veteranus  mos seidauk sai profisional.

Ho formasaun  ne’e fulan tolu deit ,maibé espera formasaun ne’e hanesan bukae ida ba ita boot sira,Tambá ne’e nia parte  rekomenda ba ARKTL ho formasaun sira hanesan ne’e labelé para iha ne’e deit belé mos iha ninia kontinuasaun ba futuru,liuliu ba Rádio Komonidade 1912 no Radio Komunidade Maubise Mauloko hodi konktribui diak liu tan imformasaun ba komunidade sira.hakotu nia (ekipa rkm)

Comment