Manufahi RKM News-Kinta Feira (18-11),Fundasaun CAUCUS Realiza Formasaun Ba Grupu Feto Partidu polítiku Nain 15 Kona Ba promove Lideransa Ne’ebé Ideal No Demokrátiku Ba Futuru Timór Leste ,Formasaun Ne’e realiza Durante Loron rua hahu husi loron kinta feira(18-11) ohin no sei remata iha sexta aban.
Tuir Diretora Fundasaun CAUCUS Teresinha Maria Noronha Cardoso Iha diskursu hateten formasaun ne’e realiza atu hodi hasae kapasidade feto iha area Lideransa nian iha futuru timor leste .
‘’tanba ne’e ita nudar feto prepara a’n didiak laos mane deit mak sai lederansa maibé feto mós belé sai lideransa’’haktuir Diretora CAUCUS Iha salaun Administrasaun Munsipiu Manufahi Kinta feira (18-11)ohin
Nia hatutan formasaun ne’e mos atu hodi kapasita feto sira oinsá atu halo debate tanbá dala barak mane sira partisipa barak liu iha debate no feto partispa minimu.
‘’tanbá ne’e mak ho formasaun ne’e atu hodi kapasita feto sira no hametin partisipasaun feto nian iha polítika no eleisaun’’
Nune’e mos Prezidenti Associasaun Feto Mata Dalan Ba Dezenvolvementu Munisipiu Manufahi(AFMADEM)Leila da Costa hateten Fundasaun CAUCUS hanesan fundasaun ida ne’ebé kapasita formasaun ba feto partidu polítiku sira iha Teritorio Timór laran tomak.
‘’tanba dala barak ema koalia kona ba partisipasaun feto ne’e importante ho ida ne’e mak formasaun ne’e realiza atu hodi hasa’e abilidade ne’ebé diak hodi partisipa iha oportunidade hotu atu hodi hasa’e mos koinesemento kona ba oinsá sai lideransa ne’ebé di’ak‘’
Fatin hanesan Administrador Munispiu Manufahi Arantes Isaak Sarmento agradese ba Fundasaun CAUCUS ne’ebé ho vontade hodi kapasita feto potensial sira iha teritori Timór laran tomak hodi hasae kapasidade feto sira nian.
‘’atu sai lideransa ne’ebé diak perciza partisipa formasaun ho diak nune’e feto sira bele sai lideransa ne’ebé diak hodi hatudu iha publíku’’ Arantes Sublinha iha salaun Admisnistrasaun Manufahi Kinta feira ohin
Entertanto iha formasaun ne’e partisipa husi Partidu Polítiku sira hanesan FRETELIN ,CNRT,PUDD,KHUNTO FERNTE Mudansa,PD no Partidu sira seluk.(esm)
