by

LA IHA FRENTE DIPLOMÁTIKA MUNDU INTERNASIONAL LA HATENE POVU TIMOR LESTE NIA LUTA BA UKUN RASIK-AN

MANUFAHI RKM  News  Arkivu Muzeum Reszisténsia Timorense Nu’udar Instituisaun Istórika Ida Ne’ebé Ho Misaun Reklla No Divulga Memoria Luta Rezisténsia ba Prosesu Libertasaun Nasional, ba Jerasaun Foun Liliu Ba Estudante Sira.

Iha abertura seminario nasional 46 aniversaio proclamasaun unilateral independensia timor –leste ne’e,lider diplomata dr.Ramos horta hatete kuandu frente diplomatatika  la luta iha rai liur,mundu internasional la hatene povo timor leste nia sofremetu no sira  nia luta ba ukun rasik- aan.

“saudózu Nikolau Loubatu hanesan lider ida ne’ebé matenek iha nia visaun husu komunidade internasional  nia apoiu ba luta ukun rasik- an,hafoin proclamasaun indenpedensia saudózu Nikolau Lobatu haruka kedas ekipa diplomata timor oan na’in 3 ba rai liur kompostu husi Dr,marí Alkatiri,hanesan xefi delegasaun Dr.Ramos Horta no Rogerio Tiagu Lobatu no sira na’in 3 ne’e ba hasoru Dr.Jose Luis Gutters Dr.Roque Rodriges no Dr.Abilio Araúju hodi hasoru komunidade internasional husi Nasau sira hanesan Europa,Amerika,Afrika no Azia husu sira nia apoiu ba diplomasia hanesan xavi hodi tane as luta armada iha rai laran,  lia hirak ne’e hato’o wainhira Dr.ramos horta hanesan  orador ba seminario seremonia aniversario proclamasaun unilateral ba 46   iha institu boa ventura  timor leste (IBTL) luak manufahi segunda feira (22/11)

 

diretur executive museum rezisténsia timorense institute públiku AMRT.IP Hamar Antoninho Batista Alves hatete seremonia ida ne’e iha ninia sentidu prinsipal atu relembra memoria fundador sira nia luta iha tempu passadu hodi deklara ne’e hanesan dalan ida ba rezisténsia proclamasaun indepedensia unilateral.hodi hasoru okupasaun invazór Indonesia.

Nia hatutuna tan seremonia nasional ne’e hala’o iha manufahi ho intensaun atu lori autor prinsipal sira hanesan frente diplomatika,frente armada no frente diplomatika  atu hodi partilla  sira nia esperensia luta ba ukun rasik an ba foin sa’e sira.

Fatin hanesan administrador munisipiu manufahi Arantes Isac Sarmento Agredese ba AMRR.IP ne’ebé realiza seremonia nasional ne’e iha manufahi atu enkoraza foinsa’e sira atu ba hatene konaba istória rezisténsia nia tanba foinsa’e hanesan Jerasaun foun tenke hatene esperitu nasionalizmu ba rai ida ne’e.

Nune’e mos Administrador munisipiu ne’e husu ba estudante no foinsa’e sira atu aproveita oportunidade ida ne’e ho diak tanba iha seminario ne’e imi bele hatene klean liu kona ba  istória libertsaun da patria,libertsaun da paria ne’e la’os fasil maibe difisil tanba nia prosesu ne’e naruk tebes.

Jerasaun foun sira tenke hatene istória ida ne’e, hatene istória hodi hametin esperitu patrotismu no nasionalizmu se jerasaun foun sira la hatene istória lalika mehi imi nia domin ba rai ida ne’e.

Antes realiza  seremonia ne’e eis Ativista timor ona husi autralia sergio do santos ho nia ekipa mos entrega krúz istóriku ne’ebé halo husi matebian Michael turnert iha tinan 1975 bainhira jornalista Australino sira mate tanba hetan oho husi militar Indonesia iha balibo,krus istoriku ne’e sai hanesan forsa no kbiit ba povu timor oan sira hodi halo demostrasaun hasoru invazór Indonesia iha Autralia.

Entretantu iha seminario nasional  ne’e Dr.ramos horta Dr.gil  da costa monteiru,costansio pinto,no pe.juvito do rego no partisipa  iha seminariu ne’e estudante sira husi institutu boa ventura timor leste(IBTL) ,Institutu politecniku betanu (IPB), Escola  Ensinu sekundariu Geral,Escola teniku vokasional ,escola káfe inklui foinsa’e sira.(carmo)

Comment