by

SEJD liu husi CEFOBOM lansa dahuluk Fundúz estimulo Social ba Joven suku 29 iha Manufahi

Manufahi RKM News-segunda feira (22-11)ne’e, Secrétaria Estado Joventude e Disportu liu husi Centro Foisae Boaventura Manufahi halao lansamento dahuluk Ba fundúz estimulo emprendedorismo social ba joven suco  29 iha Manufahi Atu hodi hasa’e koinesemento Foinsa’e sira nian iha grupo agriklultura  nian.

tuir Jenerál Manejér  CEFOBOM Antoninho Doutel Sarmento informa,fundús ne’e fó apoiu ba grupu foinsa’e  kreatívu sira iha suku hodi hala’o atividade piquária, agríkultura,Turízmu komunitária,nune’e bele dezenvólve hodi  hasa’e rendementu ekonómia grupu foinsa’e sira nian iha suku no aldeia

‘’ nune’e sira nia realizasaun sira iha baze bele sai di’ak liu tan hodi atinji mehi joven sira nian ba tranformasaun social’’

Atu inspira joven sira atu asumi ho responsabilidade ba buat sira ne’ebé hetan no osan sira ne’e mai husi SEJD ne’e osan estado nian no osan povo nian fó ba joven sira iha baze.

‘’tanba ne’e joven sira tenki asumi kna’ar  ho responsabilidade para atu halo fundús ne’ebé ki’ik no fila fali fundo ki’ik ne’e belé sai fundo ida ne’ebé  bo’ot  liu’’

Dala barak  joven sira moris ohin loron aktivo iha agrikultura hakiak ikan hakiak animal ne’ebé maka joven sira lao hela.

‘’tamba ne‘e joven sira simu fundús ne’e tenki ba halo atividade sira belé funsiona iha baze tambá dezenvolvimento sei la hakiduk ba kotuk  no desenvolvimento  agora avansa  ba oin’’

Nia haktuir fundus ne’e apoio ba joven sira atu desenvolve diak liu tan foisae sira nia partisipasaun ativa iha dezenvolvimento hodi orienta ba merkado hodi garantia produto lokal ho diak.

Nune’e mos ponto vokal SEJD Munisipiu Manufahi Livia Maria de Jesus imforma,programa ne’e realiza iha Timór laran tomak no SEJD serbisu hamutuk ho CEFOBOM iha tinan 2010 to’o agora.

‘’programa ne’e realiza bazea ba vizaun SEJD nian  iha area Joventudi  foisa’e milenial forsa kreativa no vizaun ida ne’e atu rekoinese foinsae sira nia forsa no potensia sira ninia kapasidade kreatividade no mos inovativo  no oinsa atu fo solusaun ba sira nia problema rasik’’dehan Livia .

maske foinsae sira la iha osan no la asesu ba emprego maibé ho kbi’it ne’ebé iha bele fó solusaun ba sira nia problema.

tanbá ne’e liu husi programa estimulo emprendedorismo social  ba joven bele transforma ona joven sira nia karakter dependensia ba independensia atu nune’e sira bele fo exemplo ba maluk sira seluk ne’ebé seidauk asesu ba fundu refere.

Nune’e mos ba grupo ne’ebé asesu  ona fundu ne’e atu iha responsabilidade no transparansia  iha grupo laran nune’e grupo la bele mate maibé tenki iha sustentabilidade nafatin.

Tuir vocal poin ne’e katak SEJD ho CEFOBOM sei halo mos monitorizasaun ba grupo sira nia atividade .

Fatin hanesan Konsello  Joventude Munisipio Manufahi Lavão pinhero hateten,hanesan joven ida iha Manufahi agradese ba SEJD liu husi CEFOBOM  ne’ebé loke espasu hodi kria atividade no organiza grupo sira iha Manufahi hanesan oportunidade ida ne’ebé diak no koko  kria servisu liu husi grupo  hodi hetan rendimento ba a’an rasik.

Enkuanto fundo ne’e fahe ba grupo joven sira iha 24,750 dolares  amerikano ,no osan ne’ebé  sei iha saldo iha 20,250  dolares Americano osan ne’e sei loke oportunidade ba joven sira ne’ebé maka seidauk hatama proposta.

Nia akresenta fundús ho montante rihún $ 45,000.00 ne’e, apoiu   ba postu administrativo Turiscai rihún  $15,000.00, Same  rihún  $10,000.00, Fatuberliu ho total Orsamentu rihún $10,000.00 no Alas ho montante rihún $10,000.00.

Entertantu Aktividade ne’e hetan partisipasaun husi  reprezentante Administradór Munispiu, Administrador Postu Administrativu Same, Lideransa komunitaria, Ekipa Avaliadór proposta, Membro Parlamentu Foinsa’e Postu Administrativu Same, Prezidenti CNJTL Munisípiu Manufahi, no jovens kreativu husi suku 29.

Jornalista                                : Ina Araújo

Editora                                    : Eva Marques

Comment