Manufahi RKM News-Tersa feira(30-11) ohin,Ministro óbras Públik Lansa primeira pedra Ba Aldeia 3 Iha Suku Tutuluru Postu Administrativo Same Munisipiu Manufahi
Iha Ambitu lansamentu linha elektrisidade ne’e Minístru órbras públika Salvador Soares dos Reis Pires hateten, lansamentu instálasaun liña eletrisidade iha munisípiu Manufahi halo ona lansamentu ba dáruak.
‘’dáhuluk ita lansa iha suku Mindelo postu administratívu Turiscai no ohin lansamentu dáruak iha suku Tutuluro postu administrativu Same’’dehan Governante ne’e , iha serimónia lánsamentu instálasaun liña eltrisidade iha suku Tutuluro tersa-feira (30/11) ohin
Nia hatutan insstálasaun ne’e ho distánsia kilómetru 5,3 sei benefísia populasaun uma ka’in 250 iha aldeia 3 maka hanesan Aldeia Dalun,Roin no Aldeia Susmera.
‘’tanba ne’e ba aldeia 4 ne’ebé ladauk halo instálasaun parte EDTL,Ep prométe sei halo levantamentu dadus kuandu projétu ne’e la’o bele halo espansaun ba aldeia 4 nune’e bele asesu mós ba liña eltrisidade’’
Alende ne’e Governante ne’e promete molok Oitávu governu mandatu remata sei implementa projétu eletrifikasaun ba suku 76 iha teritóriu Timor leste ne’ebé seidauk asesu ba liña eltrisidade.
Nune’e mos administradór munisípiu Manufahi Aranters Isaac Sarmento hateten, hanesan servidór povu iha Manufahi agaradese ba oitávu governu ne’ebé lideradu husi jenerál Taur Matan Ruak, nia esfórsu konsége halo ona lansamentu instálasaun liña eletrisidade iha Manufahi.
‘’tanba ne’e Autoridade ne’e husu ba komunidade no veteranu sira atu kopera hodi garántia implementasaun projétu eletrisifikasaun ne’e’’
Antes autoridade ne’e hakotu nia sublinha mos ba komunidade tutuluru atu kopera di’ak ho kompaña implementadór karik eletrisidade rín tama iha komunidade nia kintál labele husu indeminizasaun (ganti rugi) tanba projetu ne’e la iha osan atu hodi ganti rugi.
Fatin hanesan Séfi suku Tutuluro Sebastião da Costa ornai, senti kontenti tanba komunidade suku Tutuluro foin primeira hetan milágre husi oitávu governu.
‘’ami kontenti tanba durante tinan 600 moris iha nakukun laran no la sente ukun-an kompara ho suku sira iha víla Maibe ho lánsamentu ne’e komunidade tutuluru bele hetan ona liña eletrisidade’’
enkuantu projetu instálasaun liña eletrisidade iha suku Tutuluro gasta orsamentu $ 297,686.48, implementa husi kompaña Damenia Unipessoal LDA. ho durasaun tempu fulan 4.
Entertanto iha Munsipiu Manufahi iha suku 16 maka ladauk asésu, maibé suku 2 halo ona lansamentu no suku sira seluk halo ona preparasaun balun tama ona tenderizasaun tinan ida ne’e, no Sira seluk bele halo tenderizasaun iha tinan oin.(esm)
