Manufahi RKM News-kurta feira(01-12),kázu HIV-SIDA sai preukupasaun mundu nian inklui Timor Leste, no iha Timor Leste husi Tinan 2003 to’o tinan 2021 .
Diretór Planeamentu Polítika no Koperasaun Ministériu Saúde, Narsício Fernandes reprezenta Minístra Saúde relata asuntu ne’e, iha komemorasaun loron mundiál HIV-SIDA iha postu Fatuberlihu kuarta-feira (01/12) horsehik ho tema, ‘’Timor Leste Lívre husi estígma no deskriminisaun ba ema ho vírus HIV-SIDA, ita hotu responsabilidade, ita hotu nia lian.
Tuir nia katak Sídadaun Timor-oan hamutuk ema na’in 234 maka mate tanba virus HIV-SIDA, no kázu foun tinan 2021 Timor-oan na’in 192 maka afetadu husi vírus HIV-SÍDA, tanba kaúza hosi próstetuisaun hahú buras iha nasaun foun ne’e.
“tanba ne’e kázu hamutuk 1.464 no hamate ona sidadaun Timor-oan na’in 234, no pasiénte na’in 719 agora dadaun kontínua símu aimoruk antiretroviral”dehan nia iha Fatuberlihu
nia hatutan Situasaun ne’e mosu tanba Joventude no komunidade sira sei menus informasaun kona ba vírus HIV-SIDA
“tán ne’e Ministériu saúde servisu hamutuk ho parseiru sira halo esfórsu atu partílla infromasaun ba sidadaun hotu, inklui dadaun ne’e ministériu Saúde ho parseiru sira estabeleze ona sentru tratamentu lubuk ida iha Timor Leste hodi atende sidadaun sira hotu”
Iha parte seluk Sekretáriu Ezekutívu Komisaun Nasionál Kombate HIV-SIDA Timor Leste (CNCS-TL), Atanasio de Jesus informa katak Timor Leste halo koperasaun ho parseiru sira hala’o meius oin-oin atu prevene vírus HIV-SIDA iha Timor Leste.
” komemorasaun loron mundíal HIV-SIDA selebra ba ona dala 33 iha mundu, no Timor Leste komemora ba dala 18, ho intensaun atu konsolída sidadaun hotu atu kombate vírus perígu ne’ebé fó ameasa ba sidadaun sira nia vída iha mundu no ita nia Nasaun Timór Leste
Entertanto Partisípa iha komemorasaun ne’e, reprezentante UN resident coordinator, reprezentante minístru estatal, parseiru internasionál nasionál no lokal, autoridade munisípiu no postu, lideransa komunitária no komunidade, katuas lisan sira, foinsa’e no estudante sira.
Alende ne’e komemorasaun loron mundíal HIV-SIDA iha Fatuberlihu gasta orsamentu ho montante osan dollar Amérikanu $ 22,000.00, hala’o atividade hanesan Misa, Mársa saudável, kuís, Kompetisaun dada-tali, sa’e bua no konsertu múzika husi artísta nasionál sira.(esm)
