Manufahi RKM News- Sexta feira(03-12), Oitávu Governu hamutuk ho autóridade no jerasaun proklamadór Francisco Xavier do Amaral sesta-Feira (03/12) horsehik, lánsa serimónia rituál atu harí monumentu proklamadór iha Saudózu Fracíco Xavier do Amaral nia knúa uma-lisan Airai sakok Beali Iha Suku Kaimauk postu administratívu Turicai Munisipiu Manufahi .
Tuir Kordendór gabineti prímeiru minístru apoiu sosiedade sivíl, Filipe da Costa iha nia diskúrsu hateten, plánu atu harí monumentu ne’e baseia ba vizíta Primeiru minisítru Taur matan Ruak sei asúme kárgu hanesan Presidenti repúblik.
“Bainhira vizíta tama suku hotu iha Timor leste inklui iha postu Turiscai, mósu ona hanoin hosi Taur Matan Ruak halo kordenasaun ho jerasaun Proklamadór Afónso Sarmento sei hanesan administradór Postu Turiscai, atu harí monumentu istóriku Proklamadór nian iha knúa Turicai”
tán ne’e iha tinan 2020 oitávu governu prevé orsamentu atu hahú halo kontruksaun maibé orsamentu la apróva
” maibé iha planu orsamentu 2021 nian parlamentu nasional rasik tau fali orsamentu ba perparasaun hodi realíza serimónia rituál ne’ebé konsége ohin realíza Atu nune’e hodi asegúra arsitéktu tradisonál iha knúa lúlik proklamadór nian inklui husu lisénsa ba lisan na’in no lúlik sira atu halo kontrusaun monumentu ida ne’e”dehan nia
Filipe da Costa hatutan, dezéñu ba kontruksaun monumentu avó Xavier nian agora dadaun halo hela preparasaun dezéñu inklui ninia rekezítu sira, kompletu ho istória sira nune’e jerasaun foun sira bele hatene proklamadór ninia istória no ukun rasik-an nian.
“Ida ne’e sai hanesan fatin turístika hodi atrai turísta sira,orsamentu ba kontruksaun ne’e tau ona iha planu orsamentu tinan 2022 fiar katak dadaun ne’e parlamentu nasionál halo hela diskusaun bele apróva, no bele halo ona konstruksaun iha tempu badak.
Nune’e mos Presidenti asosiasaun Kultúra Sokok Nor beheil Nifusan (KULSAFU) nu’udar lia-na’in Afónso Sarmento, hanesan mós jerasaun hosi Proklamadór Francísco Xavier do Amaral hateten, agradese ba esforsu oitávu governu ne’ebé konsége realíza ona serimónia rituál ne’e,
lala’ok seromónia rituál ne’e rasik moradór no katuas-lisan sira lori fáhi nia rán, manu rán no karau nia rán inklui bua-malus hala’o prosisaun la’o hadulas dala 7 iha fatin atu harí monumentu.
Fatin hanesan séfi suku Caimauc Manuél Mendonça, hanesan lideransa komunitária iha suku ne’e inklui suku 11 iha postu Turiscai aprésia ho esfósu oitávu governu nian, atu harí monumentu avó xavier nian hodi prezérva nafatin istória ba jerasaun foun sira.
Entrentantu partisípa iha serimónia rituál ne’e, reprezentante membru governu balun, autóridade sira, lideransa komunitária, katuas-lisan sira, jerasaun proklamadór inklui komunidade sira. (Erkm&Jugu)
