Manufahi RKM News-Segunda feira (06/12),Fundasaun Ázia liu husi programa NABILAN, organíza Autóridade no komunidade sira realíza kampaña loron 16 ativízmu kontra violénsia hasóru feto no labarik iha merkado Antigu Same munisípiu Manufahi.
Iha Kampaña ne’e komunidade no Autoridade mársa iha sidade kapitál munisípiu Manufahi,No akopaña mós husi Dran band,Inklui partisípa iha kampaña ne’e autoridade, lideransa komunitária ,grúpu voluntária asaun kontrá violénsia hasóru feto no labarik, foinsa’e sira, membru polísia no organizasaun feto no parseiru dezenvolvimentu sira iha Manufahi
Iha ambitu ne’e Ofisiál programa NABILAN Munisípiu Manufahi Orzon Ornai relata, kampaña kontrá violénsia hasóru feto no labarik iha munisípiu Manufahi,realíza atívidade hanesan mársa iha sidade Same.
I”ha atividade ne’e ita realiza iha mós animasaun husi grúpu foinsa’e sira hanesan dráma no jógu sámea (ular tanga) ho pergunta ba partisipante sira”
Alende ne’e hodi hafánun ema hotu morís saudável iha Família no sosiedade.
Tanba ne’e séfi suku Letefoho postu administratívu Same João da Costa Noronha hateten, hanesan lideransa komunitária aprésia ho programa NABILAN liuhosi KOKOSA (Komesa Konsiensia Suporta No Asaun), ne’ebé implementa iha suku Letefoho.
“Programa kona ba asaun kontrá violénsia hasoru feto no labarik hahú tinan 2016 to’o tinan 2021, iha duni mundánsa segnifíkante ba komunidade no lideransa komunitária sira”
Nia hatutan programa ne’e realiza halo lideransa no komunidade sira konsídera ona katak, violénsia hasoru feto la’os ona buat babain maibé konsidéra hanesan kríme públiku.
” no lideransa komunitária iha suku ne’e la toléra violénsia hasóru feto no labarik atu rezólve liuhosi mediasaun iha suku”dehan séfi suku letefoho
Nune’e mós Pontu Vokál sekretária estadu igúalidade no inklúzaun (SEII) Munisípiu Manufahi, Natalino Corte-Real Cardoso lori sekretária SEII, hato’o agredese ba fundasaun ázia no parseiru hotu servisu hamutuk ho governu hodi realíza programa kampaña kontrá violénsia hasóru feto no labarik iha Timor leste, li-liu iha munisípiu Manufahi .
“programa Ne’e ho intensaun atu bolu atensaun ba ema hotu hakríbi violénsia hasoru feto no labarik iha Família no soseidade”
Iha parte seluk Reprezentante departament Foreign afairs Trade (DFAT) Geordie hateten, mundu tomak dadaun ne’e la toléra ona kualker típu violénsia oin-oin hasoru feto no labarik hanesan buat babain.
“Ho ida ema hotu tenki konsidéra katak violénsia hanesan kríme ne’ebé tenki halakon iha mundu no iha Timor Leste.
Fatin hanesan Administradór postu administratívu Same Adelino de Araújo Costa, apela ba foinsa’e sira atu kaer metin spírituno respeita malu.
” wainhira ita utilíza média sosiál, tanba mundu globalízasaun ohin loron kuandu uza média sosiál la ho responsabilidade sei hamózu áktu violénsia oin-oin iha família no sosiedade” nia hakotu (esm)
